Интерактивный башкирский

§12. Эйәлек алмаштары

Башҡорт тел ғилемендә -ныҡы /-неке аффикслы формалар эйəлек формалары тип билдəлəнə. Икенсе берəүҙəр был аффикстарҙы эйəлек килеш аффиксы тип күрһəтəлəр. Уныҡы, минеке формалары эйəлек төшөнсəһен белдерə. Был осраҡта һүҙ зат алмаштарына -ныҡы /-неке, -ҙыҡы/-ҙеке аффикстары ҡушылып яһалған эйəлек алмаштары тураһында бара. Эйəлек алмаштары предметтың, əйберҙең конкрет затҡа (шəхескə) ҡарауын белдерə: туп минеке, ат атайымдыҡы

Эйəлек алмаштары килеш менəн түбəндəгесə үҙгəрə:

Берлек

Төп килеш: минеке, һинеке, уныҡы

Эйəлек килеш: минекенең, һинекенең, уныҡының

Төбəү килеш: минекенə, һинекенə, уныҡына

Билдəле төшөм килеш: минекен, һинекен, уныҡын

Сығанаҡ килеш: минекенəн, һинекенəн, уныҡынан

Урын-ваҡыт килеш: минекендə, һинекендə, уныҡында

Күплек

Төп килеш: беҙҙеке, һеҙҙеке, уларҙыҡы

Эйəлек килеш: беҙҙекенең, һеҙҙекенең, уларҙыҡының

Төбəү килеш: беҙҙекенə, һеҙҙекенə, уларҙыҡына

Билдəле төшөм килеш: беҙҙекен, һеҙҙекен, уларҙыҡын

Сығанаҡ килеш: беҙҙекенəн, һеҙҙекенəн, уларҙыҡынан

Урын-ваҡыт килеш: беҙҙекендə, һеҙҙекендə, уларҙыҡында

Просмотров: 73015