34-се дәрес. Хайуандар донъяһы

– Ә һин беләһеңме, айыу ҙа кешеләр һымаҡ икән? 

– Ысынмы?

– Эйе, мин уның хаҡында энциклопедиянан уҡыған инем. Айыу балаларын тәрбиәләй, төҫтәрҙе айыра. Ишетеү һәм еҫ һиҙеү һәләте ныҡ үҫешкән була уның. Башҡортостандың иң көслө хайуаны – ул һоро айыу. Республиканың төньяҡ-көнсығышында һәм Урал тауҙарының көньяҡ сиктәрендә йәшәй. Ул, хайуандарҙың итенән тыш, көртмәле, ҡурай еләге, миләш, балан һәм башҡа емеш-еләк менән дә туҡлана, бигерәк тә бал ярата.

– О, бигерәк ҡыҙыҡлы мәғлүмәт! Миңә лә энциклопедияңды уҡырға бир әле иртәгәгә тиклем.

– Әлбиттә! Тик бөгөн түгел! Уның менән дәрес әҙерләйһе бар миңә. Иртәгә уҡыуҙан һуң инеп алырһың.

– Рәхмәт, килештек!