33-сө дәрес. Ҡоштар илендә

– Салауат, мин бердинг менән шөғөлләнергә булдым әле.

– Уныһы нимә тағы?

– Был һуңғы йылдарҙағы бик популяр хәрәкәт: ҡоштарҙы тәбиғи ерлегендә күҙәтеү. Уның менән бик билдәле кешеләр: Билл Гейтс, принц Чарльз да шөғөлләнә.

– Бигерәк ҡыҙыҡ икән. Уның өсөн нимәләр кәрәк?

– Бары тик блокнот, ручка, фотоаппарат һәм, әлбиттә, ҙур теләк!

– Шәп!

– Ә һин беләһеңме, ҡоштар йылы яҡҡа һәм тыуған яҡҡа юлды нисек таба, улар көндөң ҡайһы мәлендә һәм нисек оса икәнен.

– Юҡ.

– Әйҙә, минең менән был хәрәкәткә ҡушыл! Бергәләп өйрәнербеҙ!

– Ярай.