30-сы дәрес. Ырыуҙар.

– Марат, һин ниндәй ырыуҙан?

– Ырыуым минең – Үҫәргән!

Ҡошом – торна, тамғам – ҡойошҡан, ағасым – миләш, ораным – туҡһаба!

– О, һин ниндәй шәп! Хатта тамға, ҡош, ағасын да беләһең икән!

– Эйе, һәр башҡорт үҙ тамырҙары менән ҡыҙыҡһынырға тейеш. Ә һин белмәйһеңме ни?

– Юҡ шул...

– Миндә ырыуҙар тураһында китап бар, әйҙә, шунда мәғлүмәт эҙләп ҡарайыҡ.

– Әйҙә!

– Бына бит Бөрйән ырыуы тураһында ҡыҙыҡлы мәғлүмәт бар. Ырыуы – Бөрйән, ораны – тарауыл, тамғаһы – яғылбай, ҡошо – ҡарсыға, ағасы – ҡарағас, йылғаһы – Һаҡмар.

– О, бик ҡыҙыҡлы икән.