3-сө дәрес. Башҡортостанды яратам

– Башҡортостанды тыуған илем тип әйтеп буламы?

– Әлбиттә, була. 

– Ни өсөн?

– Тыуған ил – ул тыуған ер, атай-олатайҙар йәшәгән урын. Беҙҙең тыуған еребеҙ – Башҡортостан, тыуған илебеҙ ҙә Башҡортостан.

– Беҙ бит Рәсәйҙә йәшәйбеҙ, тимәк, тыуған илебеҙ – Рәсәй! 

– Дөрөҫ, ул беҙҙең ҙур Ватаныбыҙ, Башҡортостанды бәләкәй Ватаныбыҙ тиһәк тә була. Икеһен дә берҙәй яҡын күрәм.

– Башҡортостан Республикаһы Рәсәй составындағы ҙур субъекттарҙың береһе. Күп милләтле, татыу халыҡ йәшәй бында. 

– Һин нисек уйлайһың, Тыуған илде яратыуыңды нисек белдерергә була? 

– Яғымлы һүҙҙәр, яҡшы ҡылыҡтар, изге эштәр, матур музыка, кино, шиғырҙар, йырҙар аша.

– Беҙ бит Башҡортостанды матур тәбиғәте өсөн генә яратмайбыҙ. Республикабыҙҙағы тарихи, изге урындар, матур ҡалалар, ауылдар, боронғонан һаҡланған йолалар, байрамдар – барыһы ла беҙгә бик ҡәҙерле. Бында йәшәгән төрлө милләт вәкилдәре республикабыҙ үҫһен өсөн тос өлөш индерә.

– Әлбиттә! Бында беҙҙең ата-бабаларыбыҙ йәшәгән, беҙ бында йәшәйбеҙ, балаларыбыҙ ҙа ошонда тыуыр. Ғорурланам, һоҡланам Башҡортостаным менән!