- Онлайн дәрестәр
- 27-се дәрес. Музыка һәм кәйеф
27-се дәрес. Музыка һәм кәйеф
көй, моң | мелодия |
классик музыка | классическая музыка |
йырсы | певец |
гармунда уйнай | играет на гармони |
Лексик тема: Музыка һәм кәйеф
– Гүзәл, һин музыка яратаһыңмы?
– Эйе, ә ниңә һорайһың?
– Ағайым концертҡа ике билет бүләк итте, кем менән барырға икән тип уйлайым.
– Шатланып риза булыр инем. Ә ниндәй концерт? Рокмы, поп музыкамы?
– Был поп концерт, төрлө йырсылар сығыш яһаясаҡ.
– Ярай, мин поп музыканың фанаты түгел, шулай ҙа һинең менән барырға риза.
– Ә һин ниндәй музыка яратаһың? Һинең нескә зауыҡлы икәнеңде беләм.
– Миңә джаз һәм блюз оҡшай. Дөрөҫөн әйткәндә, бөтәһе лә минең кәйефемә бәйле. Яҡшы сифатлы музыка оҡшай, тип әйтә алам.
– Ҡыҙғанысҡа ҡаршы, мин яҡшы сифатлы музыканы насарынан айыра белмәйем.
– Мин бәләкәй саҡтан музыка мәктәбенә йөрөнөм бит.
– Ә һин берәй музыкаль инструментта уйнай беләһеңме?
– Эйе, пианино класында уҡыным, хәҙер ҙә матур ғына уйнай алам.Тик һуңғараҡ ташларға тура килде был шөғөлдө, хәҙер редакцияла эшләп йөрөйөм. Музыка – ижад бит ул, мин дә йырҙар яҙырға уйлап йөрөйөм.
– Профессияны үҙгәртергә бер ҡасан да һуң түгел. Уңыштар һиңә!
– Концертҡа саҡырыуыңа рәхмәт! Осрашҡанға тиклем!