- Онлайн дәрестәр
- 19-сы дәрес. Һаулыҡ – ҙур байлыҡ
19-сы дәрес. Һаулыҡ – ҙур байлыҡ
| спорт менән шөғөллән | занимайся спортом |
| сыныҡ | закаляйся |
| шәхси гигиенаны үтә | соблюдай личную гигиену |
| көн режимын һаҡла | соблюдай режим дня |
| дөрөҫ туҡлан | правильно питайся |
| хеҙмәт ярат | трудись |
| матур уйҙар уйла, шат йәшә | думай о хорошем, живи весело |
| компьютерҙа, телефонда оҙаҡ ултырма | долго не сиди за компьютером, за телефоном |
| насар ғәҙәттәргә тотонма | не заводи вредные привычки |
| сәләмәт йәшәү рәүеше алып бар | веди здоровый образ жизни |
Лексик тема: Һаулыҡ – ҙур байлыҡ
– Һаумыһығыҙ! Инергә мөмкинме?
– Һаумыһығыҙ! Әйҙәгеҙ, үтегеҙ. Ултырығыҙ. Һеҙҙең исем-фамилияғыҙ нисек?
– Булатов Марат.
– Тулы нисә йәш?
– 17.
– Һеҙҙе нимә борсой?
– Һалҡын тейҙерҙем, шикелле. Башым, тамағым ауырта, ныҡ йүткерәм.
– Тамағығыҙҙы ҡарайыҡ әле. Бик ныҡ шешкән икән. Тыңлап та ҡарайыҡ әле. Улай төпкә төшмәгән, үпкәгеҙ таҙа. Температурағыҙҙы ла үлсәп ҡарайыҡ. Температурағыҙ бөгөн юҡ.
– 3 көн рәттән булғайны. Мин шулай бик йыш сирләйем. Йылы кейенеп тә йөрөйөм инде.
– Улай бик йыш ауырығас, һеҙгә тәнегеҙҙе сыныҡтырырға кәрәк. Саф һауала йөрөргә, спорт менән шөғөлләнергә, һалҡын һыу менән ҡойонорға кәрәк. Бына һеҙгә рецепт, ошо дарыуҙарҙы алып эсегеҙ. Иң мөһиме – үҙегеҙҙе сыныҡтырығыҙ!
– Рәхмәт, тырышырмын.
– Башҡа ауырымағыҙ.