18-се дәрес. Әүҙем ял итәбеҙ

– Гүзәл, һин ялыңды нисек үткәрәһең?

– Мин трекинг, йәғни йәйәүле туризм менән шөғөлләнәм. 

– Ооо, вәт шәп! Ә мин самокатта йөрөргә яратам.

– Һин дә афарин! Ялды шулай дөрөҫ, әүҙем үткәрергә кәрәк.

– Шулай, килешәм һинең менән.

– Ә ҡайҙарҙа булып өлгөрҙөң?

– Башҡортостандың гүзәл ерҙәре бик күп. Өфөнән әллә ни алыҫ та булмаған тарихи ҡомартҡы Хөсәйенбәк кәшәнәһендә, Ҡырмыҫҡалы районында урынлашҡан Зәңгәр күлгә барҙым, киләһе аҙнала Алһыу ҡаяларға йыйынам.

– Бигерәк әүҙем ял итәһең икән!

– Хәрәкәттә – бәрәкәт!

– Бар пландарың да тормошҡа ашһын!

– Һиңә лә уңыштар!

– Рәхмәт.