15-се дәрес. Кино ҡарарға яратаһыңмы?

– Һаумы, Айгөл. Хәлдәрең нисек?

– Һаумы, Заһир. Яҡшы ғына. Үҙеңдең хәлдәрең нисек?

– Минең дә хәлдәрем яҡшы. Айгөл, һиңә бер һорауым бар ине. Һин кино ҡарарға яратаһыңмы?

– Әлбиттә. Туғаным менән ҡыҙыҡлы һәм мажаралы сит ил киноларын ҡарайбыҙ.

– Ә һиңә ниндәй фильмдар нығыраҡ оҡшай? 

– Һуңғы йылдарҙа башҡорт киноларын ҡалдырмай ҡарап барам. Улар тағы ла күберәк булһа, БСТ каналынан көн һайын күрһәтһәләр, тағы ла яҡшыраҡ булыр ине.

– Бик яҡшы. Мин Мостай Кәримдең «Өс таған» әҫәре буйынса режиссер Айнур Асҡаров төшөргән киноға ике билет алғайным, бәлки бергәләп барырбыҙ. 

– Рәхмәт! Бик шатмын. Әсәйем бик фәһемле кино тине. 

– Улай булғас барабыҙмы?

– Әйҙә, барабыҙ!