13-сө дәрес. Тәбиғәт ҡосағында

– Бөгөн көн бигерәк матур. Йылы, ҡояшлы.

– Эйе, тик мин белмәйем, апрель айында ниңә шул тиклем йылы икән. Элек был ваҡытта һыуыҡ була торғайны.

– Һауа торошо хәҙер ныҡ үҙгәреү кисерә. Был климат үҙгәреү менән бәйле глобаль йылыныу бара бит.

– Минеңсә, был бигүк һәйбәт түгел.

– Унан башҡа ла проблемалар етерлек. Кешеләрҙең яуапһыҙлығы арҡаһында тирә-яҡ мөхит бысрана, тәбиғәткә зыян килә.

– Ҡыҙғанысҡа ҡаршы, шулай шул. Урманды күпләп ҡырҡыу ҙа ҙур зыян килтерә тәбиғәткә.

– Кеше эшмәкәрлеге арҡаһында һауа, һыу, тупраҡ бысрана. Быға шәхсән бысраныуҙы ла өҫтәргә мөмкин.

– Уныһын ишеткәнем юҡ. Нисек була ул?

– Күп кешеләр тәмәке тарта, алкоголь, наркотиктар ҡуллана. Шул шәхсән бысраныу тип атала. Улар үҙҙәренә зыян килтерә, тәбиғәтте һәм атмосфераны бысрата.

– Бахыр тәбиғәт! Кешеләр уны ҡотҡарыу өсөн бер нәмә лә эшләй алмаймы ни?

– Минеңсә, эшләй алалар. Мәҫәлән, сүп-сарҙы ташламаҫҡа, уны эшкәртеп, файҙа килтерергә. Бөтә нәмәне һаҡсыл тотонорға. 

– Күмәкләгән – яу ҡайтарған! Барыбыҙ ҙа тырышһа, тәбиғәт беҙгә рәхмәтле булыр.